مرثية عبد الرحمن الجمعان في الفقيد الشيخ عيد الجمعان رحمه الله ..

باول شهر ذي الحج سبعه وعشرين ### جانا خبر وفاة ذيب الذيابه
مات العضيد اللي عن الناس كافيـن ### عيد الذي درب الرجاله مشابه
لـو يـنفـدي والـلـه لفديه بالـعيـن ### ولو القدر ينرد لنخى القرابــه
ذي قسمه المولى به اليوم راضين ### لا تمت المده تنوخ ركــابـــه
ابــرار لا تــبكـين تكفين تكـفيـــن ### عمك جريح لا تزيدي جراحه
ياقبــر تـكفى وسـع الجنــب بوعين ### لتضايق اللي دوم مفتوح بـابه
مفتوح للضعاف المســــاكيـــــن ### من شاف ضيم الوقت جاه التجابه
المقبره ضاقت بكثر المـعزيـن ### كلن يعزينا وعزا جنابـــــه
اطلـبك يالمعبود يا قاضي الدين ### اتثبته لاجت صحايف اكتابه
ان ترحم اللي ودعته الملايين ### كلن حضر شيبانها مع شبابه
عساه يوم الحشر في روض علين ### مع النبي المصطفى والصحابه
يا لله ياقابل صلاه المصلين ### حنا دعينا وانت منك الإجابــــه